Cagayan de Oro City – Nagsagawa ng school visitation at crime prevention lectures ang mga miyembro ng Regional Police Community Affairs and Development Unit (RPCADU) 10 sa Lapasan National High School, Cagayan de Oro City nito lamang ika-15 ng Nobyembre 2023.
Ito ay sa pangangasiwa ni Police Colonel Amante Quibol Suriaga, Chief, RPCADU 10.
Nag room to room ang mga miyembro ng RPCADU 10 upang magsagawa ng anti-illegal drug, anti-bullying, at anti-terrorism lecture.
Mahigit kumulang 500 estudyante ng naturang paaralan ang aktibong nakinig at nakiisa sa naturang aktibidad.
Layunin nitong itaas ang kamalayan ng bawat estudyante hinggil sa negatibong epekto ng ilegal na droga, terorismo at makaiwas sa anumang uri ng krimen.
Panulat ni Patrolman Edwin Baris
