Misamis Occidental – Tiklo ang isang lalaki sa ikinasang joint buy-bust operation ng mga awtoridad sa Purok 5, Brgy. Dban, Calamba, Misamis Occidental nito lamang ika-14 ng Nobyembre 2023.
Kinilala ni Police Colonel Dwight Monato, Acting Provincial Director ng Misamis Occidental Police Provincial Office, ang suspek na si alyas “Johny”, 46 anyos at residente ng Purok 1, Brgy. Mauswagon, Calamba, Misamis Occidental.
Bandang 9:11 ng umaga nang ikasa ang operasyon ng mga tauhan ng Calamba Municipal Police Station kasama ang Provincial Drug Enforcement Unit – Misamis Occidental at Criminal Investigation and Detection Group – Provincial Field Unit – Mis Occ na nagresulta sa pagkakaaresto sa suspek.
Sa naturang operasyon nakuha ang tatlong pakete ng hinihinalang shabu na may bigat na 2.5 gramo na may Standard Drug Price na Php17,000; isang COMELEC Identification Card; isang disposable lighter; tatlong bala ng Cal .45 at isang Php500 bill na ginamit bilang buy-bust money.
Nahaharap ang suspek sa kasong paglabag sa Sec 5 at 11 Art II ng RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patuloy ang Misamis Occidental PNP na gagampanan ang kanilang mandato laban sa ilegal na droga at kriminalidad upang mapanatili ang maayos at ligtas ang nasasakupang probinsya.
Panulat ni Patrolman Joshua Fajardo
