Binabaan ng anim (6) na buwang suspension order si Police Lieutenant Colonel Jonathan Pinuela, Chief, Investigation Division, Iloilo Police Provincial Office (IPPO) sa mga kasong administratibo na Grave threats, Grave coercion at Violation of RA 10591 ng Ombudsman Luzon.
Nag-ugat ang kaso ng matapang na nagresponde si Lt. Col. Pinuela at ng kaniyang team ng may inireport na may mga armadong grupo at vote buying sa bayan ng Barotac Nuevo, Iloilo noong Mayo 2019. May mga na recover na ebidensya ang team ni Pinuela sa lugar at may sinampahan din nang kaso na vote-selling sa korte.
Inireklamo si PLtCol Pinuela sa nakilalang tauhan ng Biron Foundation na si Jeffrey Mar Agub. Ayon kay Agub, tinutukan siya ng baril at tinakot ng police officer. Bagay na itinanggi ni PLtCol Pinuela, na bilang intelligence officer at team leader sa mga panahong yon na naatasang magmonitor sa mga election-related concerns sa 4th at 5th district, ginawa niya lang ang kaniyang tungkulin. Samantala, nagtestigo naman ang isang security guard ng Biron Foundation na kinilalang si Matutina laban kay Pinuela.
Samantala, nadismiss naman ang isinampang Grave coercion kay Pinuela ngunit umusad ang Grave threat, sa kadahilanang may probable cause ito ayon sa Ombudsman.
Si PLtCol Pinuela ay isa sa mga multi-awarded police officers na humuli sa iilang high profile personalities tulad nina Jaguar Balsomo sa Sara, Sandy Boy Salcedo, Manuel Mejorada at iba pa. Siya rin ay isa sa mga Lingkod Bayan Awardees.
Matatandaang si PLtCol Pinuela ang humawak sa imbestigasyon sa Diergos case na nagbigay daan upang makilala at masampahan ng kaso ang mga suspetsado na tinatayang “maimpluwensya at mga armado”. Kasama niyang nag-imbestiga sa kaso ang masisipag na mga kapulisan ng Special Investigation Team.
Sa ngayon, wala pang pahayag si PLtCol Pinuela at ang liderato ng IPPO sa naturang suspension order at indictment.
######
