Oriental Mindoro – Nakiisa ang mga tauhan ng 3rd Platoon ng 2nd Palawan Provincial Mobile Force Company sa isinagawang Bloodletting Activity na may temang “Give Blood, Save Life” sa Barangay Port Barton, San Vicente, Palawan noong ika-13 ng Nobyembre 2023.
Ang aktibidad ay pinangunahan ng Philippine Red Cross Palawan Chapter na dinaluhan naman ng mga tauhan ng 3rd Platoon ng 2nd Palawan PMFC sa pangunguna ni Police Lieutenant Dirk Chadwick Mabasa, Platoon Leader kasama ang mga residente ng nasabing Barangay.
Dumaan sa iba’t ibang screening ang mga kwalipikadong mga donor upang masiguro ang kanilang kaligtasan at pati na rin ang mga benepisyaryo ng malilikom na dugo.
Ang 2nd Palawan PMFC ay nakatuon sa pagbibigay ng kaligtasan at seguridad ng publiko at gayunpaman pinapalawak nito ang mga serbisyo sa pamamagitan ng donasyon ng dugo at iba pang mga aktibidad sa komunidad upang higit na mapahusay ang pakikipagtulungan sa iba pang kinauukulang ahensya at komunidad.
Source: 2nd Palawan PMFC
Panulat ni Patrolman Erwin Calaus
