Misamis Oriental – Nagsagawa ng bloodletting activity ang mga kasapi ng Misamis Oriental Police Provincial Office sa San Martin, Villanueva, Misamis Oriental nito lamang umaga ng ika-7 ng Nobyembre 2023.
Ito ay sa ilalim ng pamumuno ni Police Colonel Cholijun Caduyac, Provincial Director ng Misamis Oriental Police Provincial Office katuwang ang Northern Mindanao Medical Center, at Villanueva Health Unit.
Ang naturang bloodletting activity ay may temang “Dugo Mo, Kinabuhi Ko.”
Sa kabuuan ay nasa 49 na indibidwal ang matagumpay na nakapagdonate ng dugo galing sa City Police Station/Municipal Police Station, stakeholders, force multipliers, at mga sibilyan.
Ang Misamis Oriental PNP ay isa lamang sa pagpapatunay na ang Pambansang Pulisya ay handang magbigay ng tulong at serbisyo sa ating mamamayan ng walang pinipiling oras, araw, okasyon, at pagkakataon.
Panulat ni Patrolman Edwin Baris
