La Union – Arestado ng Naguilian PNP ang isang wanted person sa bisa ng Warrant of Arrest bandang 09:20 ng umaga sa Brgy. Ortiz, Naguilian, La Union nito lamang ika-3 ng Nobyembre 2023.
Kinilala ni Police Major Napoleon Lango, Hepe ng Naguilian PNP, ang suspek na si Micahel, 38 at residente ng Brgy. Cabaritan Sur, Naguilian, La Union.
Ayon kay Police Major Lango, naaresto ang suspek ng mga operatiba ng Naguilian PNP bilang lead unit, kasama ang La Union Provincial Intelligence Unit (LUPIU), at Regional Mobile Force Battalion 1 (RMFB1)
Nahaharap ang suspek sa kasong paglabag sa Republic Act 9262 o ang Anti-Violence Against Women and their Children Act of 2004 na may inirekomendang piyansa na Php72,000.
Ang operasyon ng Naguilian PNP ay isang magandang halimbawa ng pagkilos ng mga awtoridad para sa patuloy na kampanya laban sa kriminalidad.
Source: Naguilian Municipal Police Station
Panulat ni PCpl Johndel L Supremo
