Cagayan de Oro City (January 14, 2022) – Arestado ang isang High Value Target sa buy-bust operation na kinilalang si Joseph Galiza Santillan, 45 taong gulang, may asawa, isang habal-habal driver at residente ng Purok 3-A, Brgy. Gusa, Cagayan de Oro City, noong Enero 14, 2022.
Nakakuha ang mga operatiba ng shabu na nagkakahalaga ng Php1,000 mula sa suspek. Sa paghahalughog, nakuha ang apat (4) na piraso ng iba’t ibang laki ng heat-sealed transparent plastic sachet na pinaniniwalaang shabu at may Standard Drug Price na Php510,000.
Sa kasunod na araw, isa pang buy-bust operation ang isinagawa sa Zone 8, Sitio Taparak, Barangay Bugo, Cagayan de Oro City bandang alas-siyete ng gabi.
Arestado sa operasyon si Mauricio Pacudan Aparilla, 45 taong gulang, may asawa, karpintero at residente ng Zone 3 Muhon, Tagoloan, Misamis Oriental.
Narekober sa suspek ang dalawang (2) heat-sealed transparent plastic sachet na naglalaman ng white crystalline substance na pinaniniwalaang shabu na may Standard Drug Price na Php170,000.
Pinuri ni PBGen Benjamin C Acorda Jr., ang mga operasyon. Aniya, “Ipagpatuloy natin ang ating paglaban sa ilegal na droga, huwag tayong tumigil sa paghahanap sa mga taong ito na walang ginawa kundi sirain ang kinabukasan ng ating bayan. At ipaalam sa kanila na ang mahabang braso ng batas ay laging hahabol sa kanila, kahit ano pa man ang estado nila sa buhay”.
Mahaharap ang mga suspek sa kasong paglabag sa Republic Act 9165.
Hinihimok ng Police Regional Office 10 ang publiko na patuloy na magbigay ng impormasyon ukol sa mga ganitong ilegal na gawain upang tuluyang masawata ang ilegal na droga sa lipunan.
####
Panulat ni Patrolman Joshua C Fajardo – RPCADU 10
