General Santos City – Nakiisa ang mga tauhan ng General Santos City PNP sa Blood Donation Activity na ginanap sa Brgy. Calumpang, General Santos City nito lamang ika-3 ng Nobyembre 2023.
Ang nasabing aktibidad ay isinagawa ng Rural Health Unit ng Barangay Calumpang sa pakikipagtulungan ng Philippine Red Cross.
Layunin nito na makalikom ng sapat na supply ng dugo para magamit ng ating mga kababayan na may malubhang karamdaman at nangangailangan ng dugo upang madugtungan ang kanilang buhay.
Ang Pambansang Pulisya ay kaisa ng komunidad upang makatulong sa ating mga kababayan at makapaghatid ng iba’t ibang serbisyo publiko tungo sa pagkamit sa kaunlaran.
Panulat ni Patrolman Jerrald Gallardo
