Iloilo City – “Rest easy now, Sgt. Michael Malan; you have done your job very well!”, ito ang naging salitang iniwan ni PBGen Sidney Villaflor, Regional Director ng PRO6, ng bumisita ito sa burol ng yumaong pulis na si Police Staff Sergeant Michael Malan na nag-alay ng kanyang buhay sa pagganap ng kanyang sinumpaang tungkulin sa isang engkwentro laban sa mga armadong drug pusher sa naganap na lehitimong police operation noong Oktubre 29, 2023 sa Brgy. Concepcion, City Proper, Iloilo City.
Sa pagdalaw ni PBGen Villaflor noong gabi ng ika-2 ng Nobyembre, ay agad siyang naglaan ng tulong pinansyal para sa naiwang asawa at pamilya ni PSSg Malan.
Inako rin ng PRO6 ang lahat ng gastusin sa ospital, habang inaasahang ibibigay ang PNP Medalya ng Kadakilaan kay Sgt. Malan sa kanyang pinakitang kadakilaan na tatanggapin naman ng kanyang asawa sa darating na PRO6 Monday Flag Raising Ceremony ngayong November 13, 2023. Tatanggap din ng parehong parangal ang iba pang kasama sa nasabing police operation.
Sa naturang pagdalaw, ipinaabot ni PBGen Villaflor ang kanyang taos pusong pakikiramay, kasama ang buong hanay ng Police Regional Office 6.
Si PSSg Malan ay namatay bilang isang bayani na lumalaban upang iligtas ang mamamayan laban sa ilegal na droga, ang katapangang ito ay nagpapakita ng isang tunay na pagseserbisyo para sa bansa, at magsisilbi itong isang inspirasyon para sa patuloy na laban kontra ilegal na droga para sa kaayusan ng ating bansa.
