Nakiisa ang Regional Police Community Affairs and Development Unit 4A sa pagtaguyod ng Ligtas UNDAS 2023 nito lamang Nobyembre 1, 2023.
Ang aktibidad ay pinangunahan ni Police Colonel Meldrid Patam, Chief, RPCADU 4A, katuwang ang ilang tauhan ng Bacoor City Police Station, Philippine Army, Bureau of Fire Protection Bacoor, mga miyembro ng Barangay Peacekeeping Action Team Magdiwang Force Multiplier, Bacoor Traffic Management Department, Brgy. Tanod ng Molino I at Molino IV, Bacoor, Cavite sa Heavenly Peace Memorial Garden, Molino, Bacoor, Cavite.
Magkatuwang naman sina Police Lieutenant Colonel Owen Banaag, Assistant Chief ng RPCADU 4A at Police Captain Maria Ailyn Franca, Team Leader ng RMFB-CURAO at Task Force Ugnay (TPU) sa Holy Garden Greenhills Memorial Park, Brgy. Barandal, Calamba City, Laguna.
Samantala, si Patrolman Joshua Cruz naman ay nakatalaga sa Rosario Public Cemetery, Rosario, Batangas katuwang ang Rosario Municipal Police Station, Force Multipliers at BFP Rosario.
Ang mga grupo ay nagtatag ng Police Assistance Desk (PAD) para may malapitan ang mga mamamayan anumang problema o sitwasyon sa loob at labas ng sementeryo.
Bukod dito, ang mga grupo ay namigay din ng distilled bottled water, libreng pakape, noodles at IEC Materials patungkol sa E-Sumbong at Safety Tips nitong Undas.
Layunin nitong mabigyan ng pangunahing pagkain at isang ligtas, tahimik at maayos na Undas 2023 ang mga mamayan sa mga nabanggit na lugar.
Panulat ni Police Staff Sergeant Donabel T Dulin
