Cavite – Nakiisa ang Regional Police Community Affairs and Development Unit 4A sa pagtaguyod ng Ligtas UNDAS 2023 sa Heavenly Peace Memorial Garden, Molino, Bacoor, Cavite nito lamang Nobyembre 1, 2023.
Ang aktibidad ay pinangunahan ni Police Colonel Meldrid Patam, Chief, RPCADU 4A, katuwang ang ilang tauhan ng Bacoor City Police Station, Philippine Army, Bureau of Fire Protection Bacoor, mga miyembro ng Barangay Peacekeeping Action Team Magdiwang Force Multiplier, Bacoor Traffic Management Department, Brgy. Tanod ng Molino I at Molino IV, Bacoor, Cavite.
Naglagay ang mga grupo ng Police Assistance Desk (PAD) para sa anumang problema o sitwasyon sa loob at labas ng sementeryo ay may malalapitan ang mga mamamayan.
Bukod dito, ang RPCADU 4A ay namigay din ng distilled bottled water at IEC Materials patungkol sa E-Sumbong at Safety Tips nitong Undas.
Layunin nitong patatagin ang ugnayan ng gobyerno at mamamayan para sa isang ligtas, tahimik at maayos na Undas 2023.
Panulat ni Police Staff Sergeant Donabel T Dulin
