Iloilo – Nasabat ng pulisya ang nasa Php1,904,000 halaga ng shabu sa naarestong dalawang High Value Individual sa inilunsad na buy-bust operation sa Brgy. Jardin, Dumangas, Iloilo, nitong Miyerkules, ika-1 ng Nobyembre 2023.
Kinilala ni Police Captain Glenn Soliman, Hepe ng Regional Police Drug Enforcement Unit 6, ang mga naarestong suspek na sina alyas “Ton-Ton”, 39, walang trabaho at alyas “Tata”, 20, isang estudyante, kapwa residente ng nasabing siyudad habang kinilala naman ang isang suspek na nakatakas na si alyas “Errol”.
Dakong alas-3:20 ng madaling araw ng ikasa ang buy-bust ng mga operatiba ng Regional Police Drug Enforcement Unit 6 kasama ang Station Drug Enforcement Team ng Dumangas MPS at nasakote ang mga suspek matapos mabilhan ang mga ito ng Php15,000 na halaga ng hinihinalang shabu.
Ayon pa kay PCpt Soliman, narekober sa mga suspek ang kabuuang 19 pakete ng suspected shabu na may bigat na higit-kumulang 280 gramo at nagkakahalaga ng Php1,904,000 at buy-bust item,
Kasong paglabag sa RA 9165 o ang Comprehensive Dangerous Drugs Act of 2002 ang isasampa sa mga naarestong suspek.
Sinisiguro ng Iloilo PNP ang kanilang mahigpit na pagpapaigting ng kampanya laban sa ilegal na droga upang mapanatiling ligtas at payapa ang komunidad.
Kaugnay nito, pinuri ni PBGen Sidney N Villaflor, Regional Director ng PRO6, ang mga operating units sa isa na namang high-impact accomplishment, “Patuloy po ang aming panawagan na tulungan po natin ang ating pulisya sa pagsugpo sa ilegal na droga. Huwag na po tayong maghintay na ang salot na ito ay makapasok pa sa ating bahay. Protektahan po natin ang ating mga anak at mahal sa buhay. Makialam, magbigay-alam para sa mas ligtas na pamayanan at mas magandang bukas”, ani PBGen Villaflor.
