Cotabato – Nadakip sa ikinasang Manhunt Operation ang itinuturing na Top 3 City Most Wanted Person sa kasong Murder sa Sitio Guitawan, Brgy Poblacion, Arakan, Cotabato, nito lamang ika-27 ng Oktubre 2023.
Kinilala ni Police Major Ryan Feranil, Officer-In-Charge, Arakan Municipal Police Station, ang suspek na si alyas “Danny”, 38, walang asawa at residente ng nasabing lugar.
Dinakip si Danny ng pinagsanib pwersa ng mga tauhan ng Arakan PNP at Davao City PNP sa bisa ng Warrant of Arrest para sa kasong Murder na walang rekomendadong piyansa.
Patuloy naman ang buong hanay PNP sa pagpapaigting ng kampanya laban sa mga taong may pananagutan sa batas para sa serbisyong nagkakaisa at makamtan ang isang tahimik at ligtas na pamayanan.
Panulat ni Patrolman Khnerwin Jay A Medelin
