Tiklo ang dalawang indibidwal sa paglabag sa COMELEC Gun Ban at ilegal na droga sa isinagawang Checkpoint Operation ng Kalilangan PNP at 1004th Maneuver Company, Regional Mobile Force Battalion 10 sa Sitio Ticub, Brgy. Pamotolon, Kalilangan, Bukidnon nito lamang ika-27 ng Agosto 2023.
Kinilala ni Police Major Christian Serdeña, Officer-In-Charge ng Kalilangan Municipal Police Station, ang dalawang suspek na sina alyas “Junel”, 23, residente ng Kimagting, Ninoy Aquino, Kalilangan, Bukidnon at alyas “Asgal”, 31, at residente ng Naga, Zamboanga Sibugay.
Bandang 2:54 ng madaling araw nang maharang ang dalawang suspek na sakay ng isang motorsiklo na nagresulta sa pagkakumpiska ng isang 10 inches ng patalim, apat na pakete na hinihinalang shabu na may bigat na isang gramo na may Standard Drug Price na Php6,800 at isang motorsiklo na may Plate No. 491 KWO.
Nahaharap ang dalawang suspek sa kasong paglabag sa COMELEC Gun Ban o COMELEC Resolution no. 10918 at RA 9165 o Comprehensive Dangerous Drugs Act of 2002.
Patuloy ang Police Regional Office 10 sa pagpapatupad ng election gun ban sa buong rehiyon upang mapanatili ang maayos at ligtas ang komunidad para sa papalapit na Barangay at Sangguniang Kabataan Elections 2023.
