Laguna – Pinangunahan ni Police Brigadier General Paul Kenneth Lucas, Acting Regional Director ng PRO CALABARZON, ang isinagawang mandatory drug testing na ginanap sa PNP Training Institute Gym, Camp BGen Vicente P Lim, Calamba City, Laguna nito lamang Oktubre 26, 2023.
Tinatayang 155 na matataas na opisyal mula sa Command Group, mga Provincial Directors, Chief ng Regional Support Units at mga Hepe ng bawat lungsod at munisipyo ng PRO 4A ang sumalang sa nasabing aktibidad pagkatapos ng command conference.
Layunin nitong masiguro na drug-free workplace ang bawat opisina at mga police station sa buong CALABARZON.
“Hangad ko ang isang malinis, at may integridad na kapulisan at magkaroon ng drug-free workplace ang PRO CALABARZON. Sisimulan natin sa mga namumuno sa rehiyong ito ang paglilinis upang maging mabuting ehemplo tayo sa iba pa nating kasamahan. Ito ay isa lamang sa ating mga hakbang upang mapanatili ang disiplina, integridad at maipakita natin sa ating mga kababayan na tayo ay sinsero sa ating tungkulin na wakasan na ang ilegal na droga sa rehiyong ito,” saad ng Acting Regional Director.
Source: Police Regional Office 4A
Panulat ni Police Staff Sergeant Donabel T Dulin
