La Union – Arestado ng Bacnotan PNP ang isang binata sa kasong paglabag sa Anti-photo and Video Voyeurism sa Brgy. Raois Bacnotan, La Union nito lamang Miyerkules, ika-18 ng Oktubre 2023.
Kinilala ni Police Major Felipe Ruiz Jr., Hepe ng Bacnotan Municipal Police Station, ang suspek na si Mark William, 22, walang asawa at residente ng Brgy. Raois Bacnotan, La Union.
Ayon kay PMaj Ruiz Jr., naaresto ang suspek sa bisa ng Warrant of Arrest na inihain ng Bacnotan Municipal Police Station sa kasong Anti-Photo and Video Voyeurism Act of 2009 section 4(A) of RA 9995 na may Php70,000 na nirekomendang piyansa.
Patuloy naman ang Bacnotan PNP na panatilihing ligtas ang mamamayan sa kanilang nasasakupan sa anumang uri ng kriminalidad.
Source: Bacnotan MPS
Panulat ni PSSg Marvin Jake Romero
