Zambales – Nakumpiska ang Php1.7 milyong halaga ng ilegal na droga na nagresulta sa pagkakadakip ng dalawang suspek sa ikinasang buy-bust operation ng Iba PNP sa Iba, Zambales nito lamang Martes, ika-17 ng Oktubre 2023.
Kinilala ni Police Colonel Ricardo Pangan Jr, Provincial Director ng Zambales Police Provincial Office, ang dalawang drug personalities na sina alyas “Dom” at “Charlene”.
Bandang 11:20 ng gabi ikinasa ang operasyon na nagresulta ng pagkakakumpiska ng Php1,700,000 na may timbang na 250 gramo at iba pang non-drug item.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang dalawang suspek.
Patuloy ang Zambales PNP sa kampanya kontra ilegal na droga at kriminalidad upang mapanatiling payapa at maayos ang komunidad.
Source: Zambales Police Provincial Office
Panulat ni PCpl Jeselle V Rivera
