Occidental Mindoro – Timbog ang isang High Value Individual sa ikinasang buy-bust operation ng Occidental Mindoro PNP sa Sitio Dangay, Brgy. Vigo, Lubang, Occidental Mindoro, noong Oktubre 15, 2023.
Kinilala ni Police Colonel Jun Dexter Danao, Provincial Director ng Occidental Mindoro PPO, ang suspek na si alyas “Bert”, 26, at residente ng Lubang, Occidental Mindoro.
Ayon kay PCol Danao, bandang 9:45 ng gabi isinagawa ang operasyon ng mga tauhan ng Provincial Drug Enforcement Unit ng Occidental Mindoro Police Provincial Office katuwang ang Municipal Drug Enforcement Unit ng Lubang MPS, Regional Drug Enforcement Unit (RPDEU) at PDEA 4B.
Nahuli ang suspek matapos makabili ang nagpanggap na poseur buyer ng dalawang plastic sachet na naglalaman ng hinihinalang ilegal na droga kapalit ng Php2,000 at narekober rin mula sa suspek ang pera na ginamit bilang buy-bust money, cellphone na hinihinalang gamit sa pakikipagtransaksyon at isang kaha ng sigarilyo na naglalaman ng isang plastic sachet ng hinihinalang shabu na may timbang na humigit-kumulang 5 gramo na nagkakahalaga ng Php10,000.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang tagumpay ng operasyon ay resulta ng Serbisyong Nagkakaisa at pagtutulungan ng iba’t ibang ahensya kasama ang mamamayan at pagpapaigting ng pagpuksa sa ilegal na droga sa lalawigan ng Occidental Mindoro base na rin sa derektiba ni PCol Jun Dexter Danao, Provincial Director ng Occidental Mindoro Police Provincial Office, upang patuloy na magkaroon ng kaayusan at kapayapaan ng ating bansa.
Panulat ni Patrolman Erwin Calaus
