General Santos City – Nagtipon-tipon ang mga iba’t ibang ahensya ng pamahalaan, Non-Governmental Organization, Advocacy Support Groups, Faith-Based Group sa pangunguna ni Atty. Michael C Abas, Regional Election Director, COMELEC XII at ng pamunuan ng Police Regional Office (PRO) 12 sa ilalim ng liderato ni Police Brigadier General Jimili Macaraeg, Regional Director, sa isinagawang National Multi-Sectoral Peace Assembly for BSKE 2023 kasabay ng Traditional Monday Flag Raising Ceremony nito lamang umaga sa Grandstand, PRO 12, Tambler, General Santos City.
Ang paglulunsad ay naglalayong pangalagaan at protektahan ang integridad sa darating na Barangay at Sangguniang Kabataan Elections 2023 sa pamamagitan ng mga panalanging interfaith at bigyang-daan ang aktibong partisipasyon ng iba’t ibang ahensya ng pamahalaan at publiko.
Kinilala naman ni Regional Election Director, Atty. Michael Abas, ang patuloy na pagtutulungan, pagkakaisa at pagsisikap ng iba pang ahensya ng gobyerno na matiyak ang iisang layunin na magkaroon ng ligtas na halalan ngayong taon.
Isinagawa ang National Multi-Sectoral Peace Assembly for BSKE 2023 sa pamamagitan ng Interfaith Prayer, Signing of Pledge of Commitment na nilahukan ng mga dumalo sa DILD XII, APC-Western Mindanao, DepEd XII, PCG, AFP, NCIP XII, PPCRV, Religious and Community Leaders at pagkatapos nito ay nagpakawala ng mga puting kalapati bilang simbolo ng kapayapaan at pagkakaisa.
Panulat ni Patrolman Khnerwin Jay A Medelin
