Caloocan City — Umabot sa Php102,000 halaga ng shabu ang nasabat sa isang lalaki sa ikinasang buy-bust operation ng mga tauhan ng Caloocan City Police Station nito lamang Linggo, Oktubre 15, 2023.
Kinilala ni PBGen Rizalito G Gapas, District Director ng NPD, ang suspek na si alyas “Bebe”, 25, at residente ng Barangay 120, Caloocan City.
Ayon kay PBGen Gapas, ang operasyon ng Station Drug Enforcement Unit ng nasabing istasyon ay naganap bandang 8:55 ng gabi sa kahabaan ng 1st Ave BMBA Compound Barangay 120, Caloocan City.
Nakumpiska sa suspek ang tatlong (3) piraso ng medium heat-sealed transparent plastic sachet na pinaniniwalaang shabu na may timbang na 15 gramo at may Standard Drug Price na Php102,000; at isang (1) tunay na Php500 na ginamit bilang buy-bust money na may kasamang pitong (7) pirasong Php1,000 bilang boodle money.
Paglabag sa Seksyon 5 at 11 ng Artikulo II ng RA 9165 o Comprehensive Dangerous Drugs Act of 2002 ang kahaharapin ng suspek.
Mas mahigpit na ipatutupad ng kapulisan ng NPD ang pangangampanya kontra ilegal na droga sa kanilang nasasakupan para makamit ang kaligtasn ng bawat isa.
Source: NPD PIO
Panulat ni PSSg Remelin M Gargantos
