Samar – Arestado ang isang drug suspek sa ikinasang buy-bust operation ng Basey PNP at PDEA 8 sa Brgy. San Antonio, Basey, Samar nito lamang Oktubre 15, 2023.
Kinilala ni Police Captain Fernando Calabria Jr, Officer-In-Charge ng Baser MPS, ang naaresto na si Junrey, 44, habal-habal driver at residente ng Brgy. San Antonio, Basey, Samar.
Ayon kay PCpt Calabria, dakong 1:10 ng hapon nang maaresto ang suspek ng mga tauhan ng Basey Municipal Police Station (Lead Unit) at PDEA VIII- Samar Provincial Office.
Nakumpiska mula sa suspek ang isang heat-sealed transparent plastic sachet na naglalaman ng white crystalline substance na pinaghihinalaang shabu (Subject of Sale); limang pirasong heat-sealed transparent plastic sachet na naglalaman ng white crystalline substance na pinaghihinalaang shabu (Subject of Possession) na may timbang na 3.43 gramo at nagkakahalaga ng Php23,324; at iba pang drug pharaphenalia.
Nahaharap ang suspek sa mga reklamong may kaugnayan sa paglabag sa RA 9165 o Comprehensive Dangerous Drugs Act of 2002.
Patuloy naman na hinihimok ng kapulisan ang publiko na ipagpatuloy ang suporta sa mga awtoridad sa pagsugpo sa problema sa droga at mga krimen na dulot nito.
