Maguindanao del Sur – Bumisita si Secretary of the Interior and Local Government Atty Benjamin Abalos Jr., upang pangunahan ang isinagawang Community Outreach Program at Peace Covenant Signing sa Brgy. Adaon, Datu Anggal Midtimbang, Maguindanao del Sur nito lamang ika-14 ng Oktubre 2023.
Mainit na sinalubong ng mga personahe ng PRO BAR sa pangunguna ni Police Brigadier General Allan Nobleza, Regional Directo ng, PRO BAR, katuwang ang stakeholders at ilang matataas na opisyal ng Maguindanao del Sur.
Lumahok din sina Hon. Bai Mariam Mangudadatu, Governor ng Maguindanao del Sur; Hon. Nathaniel Midtimbang, Vice Governor, Maguindanao del Sur; Hon. Mary Joy Estephanie Midtimbang, Municipal Mayor; Datu Anggal Midtimbang; mga Brgy. Chairman mula sa bayan ng Datu Anggal Midtimbang; at mga tatakbong barangay at SK chairman at barangay kagawad.
Sa naganap na Community Outreach Program ay nasa 200 na mga kabataan ang naging benepisyaryo ng nasabing aktibidad na kung saan ay nakatanggap sila ng school supplies, food packs, grocery package, bags, at bigas.
Samantala, sa Peace Covenant Signing ay pumirma ang matataas na opisyal at ang mga tatakbo bilang pagka-punong barangay at barangay kagawad, para sa isang maayos, pantay, walang karahasan, at mapayapang Barangay at Sangguniang Kabataan Eleksyon 2023.
Itong matagumpay na aktibidad na ito ay isang patunay na ang ugnayan ng Pambansang Pulisya, Pamahalaan at Komunidad ay napakagandang imahe at sama-samang nagtutulungan para makamit ang isang maunlad at may pagkakaisang bansa.
Panulat ni Patrolman Mark Vincent Valencia
