Pampanga – Tinatayang Php374,000 halaga ng ilegal na droga ang nakumpiska sa dalawang babae na suspek sa isinagawang Anti-Illegal Drug Operation ng Mabalacat City PNP sa Roxas Street Brgy. Dau, Mabalacat City, Pampanga nito lamang Miyerkules, ika-11 ng Oktubre 2023.
Kinilala ni Police Lieutenant Colonel Alfredo Canlas, Acting Chief of Police ng Mabalacat City Police Station, ang dalawang drug personality na sina alyass “Princess”, High Value Individual (HVI) at alyas “Ivy”, isa namang Street Level Individual (SLI).
Ayon sa ulat ng Mabalacat City PNP, naaresto ang dalawang suspek bandang 2:20 ng madaling araw na nagresulta ng pagkakakumpiska sa hinihinalang shabu na nagkakahalaga ng Php374,000 na may timbang na 55 gramo, boodle money, isang cellphone; at dalawang pouch.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang dalawang suspek.
Sinisiguro ng Mabalacat City PNP ang kanilang mahigpit na pagpapaigting ng kampanya laban sa ilegal na droga upang mapanatiling ligtas at payapa ang komunidad.
Panulat ni PCpl Jeselle V Rivera
