Quezon – Nasamsam ang tinatayang Php1,530,000 halaga ng shabu sa isang High Value Individual (HVI) sa ikinasang buy-bust operation ng Quezon PNP nito lamang Oktubre 11, 2023.
Kinilala ni Police Colonel Ledon Monte, Provincial Director ng Quezon Police Provincial Office, ang suspek na si alyas “Fred/Eric’’, HVI.
Naaresto ang suspek sa Brgy. Isabang, Lucena City sa pinagsanib puwersa ng Provincial Drug Enforcement Unit-Quezon Police Provincial Office, Provincial Intelligence Unit-QPPO, Lucena City Police Station Intel/Station Drug Enforcement Unit at Philippine Drug Enforcement Agency 4A-Quezon.
Nasamsam sa suspek ang apat na piraso ng heat-sealed transparent plastic sachet ng hinihinalang shabu na may humigit kumulang na timbang na 75 gramo na nagkakahalaga ng Php1,530,000, ilang pirasong Php1,000 bill bilang buy-bust money at isang pitaka.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
“Sa nalalapit na BSKE 2023 sinisigurado ng Quezon Pulis na patuloy ang pinaigting na mga police operations lalo na sa iligal na droga upang maproteksyunan ang integridad ng halalalan.”, ani PCol Monte.
Source: Quezon Police Provincial Office
Panulat ni Police Staff Sergeant Donabel T Dulin
