Lanao del Sur – Naaresto ang isang lalaki sa isinagawang operasyon ng Maguing Municipal Police Station matapos itong mahulihan ng mataas na kalibre ng baril at shabu sa Brgy. Bato-bato, Maguing, Lanao del Sur nito lamang ika-9 ng Oktubre 2023.
Kinilala ni Police Colonel Robert Daculan, Provincial Director ng Lanao del Sur Police Provincial Office, ang naaresto na si alyas “Baolo”.
Narekober mula sa suspek ang isang Barret Caliber 50, isang heat-sealed transparent plastic sachet na naglalaman ng hinihinalang shabu na may bigat na isang gramo at nagkakahalaga ng Php6,800.
Ang PRO BAR ay patuloy na paiigtingin ang kampanya kontra kriminalidad upang mapanatili ang kapayapaan at kaayusan sa Rehiyon ng Bangsamoro.
Panulat ni Patrolman Charlie Nasroden Corpuz
