Matagal nang naninirahan ang mag-asawang San Juan sa kanilang barong-barong sa Purok Centro, Brgy. Mahayag, Banaybanay, Davao Oriental. Dito ay nakita ng Revitalized-Pulis sa Barangay sa nasabing lugar ang kanilang kalagayan kaya naman sila na mismo ang gumawa ng paraan upang mabigyan sila ng mas maayos na tirahan.
Matagumpay na nabuo ang bagong bahay ni Tatay Lacrenio San Juan, 89 taong gulang at Nanay Josie Demerin, 69 taong gulang sa inisiyatibo ng R-PSB Cluster 4, DOPPO, kung saan ang mga tauhan nito sa pamumuno ni PLt Ryan Joy S Esteban, sa ilalim ng pangangasiwa ni PCol Efren E Orlina, PD, Davao Oriental Police Provincial Office, ay nagBARANGAYanihan kasama ang mga opisyales ng barangay at sa tulong ng mga stakeholders nito.
Malaki ang naging pasasalamat ng mag-asawa sa pagmamahal at pagmamalasakit na ipinadama ng R-PSB Cluster 4 sa katulad nilang may edad na at hirap sa pamumuhay at pagkumpuni ng kanilang bahay. Ngayon ay mas komportable na sila sa kanilang pagtulog at hindi na mababasa pa ng ulan dahil sa bagong bahay na ipinagkaloob sa kanila.
Maliban ditto, sila ay nakatanggap rin ng food packs at tulong pinansiyal na malaking tulong din para sa kanilang kalusugan lalo na ngayong panahon ng pandemya.
