Pangasinan – Timbog ang isang babaeng illegal recruiter sa operasyon ng Pozorrubio PNP sa Brgy. Casanfernandoan, Pozorrubio, Pangasinan nito lamang Miyerkules, ika-6 ng Oktubre 2023.
Kinilala ni Police Major Zynon Paiking, Hepe ng Pozorrubio PNP, ang suspek na si Myrna Narvarte-Pedrozo, 68, at residente ng Brgy. Casanfernandoan, Pozorrubio, Pangasinan.
Ayon kay PMaj Paiking, naaresto ang suspek bandang 12:22 ng tanghali ng mga operatiba ng Pozorrubio PNP katuwang ang Regional Intelligence Division ng Police Regional Office 1.
Nahaharap ang suspek sa kasong Illegal Recruitment on Large Scale na walang rekomendadong piyansa.
Ang operasyon ng Pozorrubio PNP ay naging matagumpay sa pakikipagtulungan ng mamamayan upang mapaigting ang kampanya kontra kriminalidad at mapanagot ang mga taong may pagkakasala sa batas.
Source: Pozorrubio Municipal Police Station
Panulat ni: Pat. Viljon Anthony A. Comilang
