Iloilo – Tinatayang mahigit Php10 milyong halaga ng pinaghihinalaang shabu ang nakumpiska ng Estancia PNP sa ikinasang drug buy-bust operation sa Brgy. Tacbuyan, Estancia, Iloilo bandang alas-6:10 ng umaga ng Setyembre 30, 2023.
Kinilala ni Police Lieutenant Renzo Martinez, Officer-In-Charge ng Estancia Municipal Police Station, ang mga nahuling suspek na sina alyas “Rene Palito”, High Value Individual, 43, walang trabaho, residente ng Barangay Sauyo, Novaliches, Quezon City, at ang isang 22-anyos na lalaki, driver, residente ng Barangay Gogo, Estancia, Iloilo.
Ang naturang operasyon ay inilunsad ng mga operatiba ng Estancia Municipal Police Station katuwang ang PIU, IPPO.
Ayon kay PLt Martinez, narekober sa mga suspek ang 4 na plastic sachet ng pinaghihinalaang shabu, kasama ang buy-bust item, isang black plastic bag na kung saan nakita sa loob nito ang 34 na malalaking pakete na naglalaman ng suspected shabu.
Kabilang din sa mga narekober ang Php1,000 na subscribe buy-bust money, 9 piraso ng 1000 pesos boodle money, at ilang mga non-drug items.
Lahat ng drogang nakumpiska ay tumitimbang ng 1.6 kilograms at may halagang aabot sa Php10,880,000.
Bahagi ang matagumpay na operasyon sa walang tigil na pagsisikap ng Pambansang Pulisya, katuwang ang komunidad upang labanan at matuldukan ang problema sa ilegal na droga, para sa ikauunlad at kaayusan ng pamayanan.
