Siquijor – Muling iginawad sa isang pamilya ang bagong bahay na parte ng programang “Balay Mo, Gasa Ko Project” ng mga tauhan ng Maria Police Station sa Brgy. Bonga, Maria, Siquijor nito lamang ika-29 ng Setyembre 2023.
Ito ay binigyang katuparan ni Police Captain Renette Joy Jumuad, Acting Chief of Police ng Maria Police Station, na siyang dinaluhan nina Police Colonel Robert Lingbawan, Provincial Director ng Siquijor PPO, Police Major James Conaco-C, Hon. Ronald Guy Magpiong, Peace and Order Council Chairman at Hon. Jindo Balambao-SB Member/Lay Minister.
Pinangunahan naman ni Bro. Jindo Balambao, Lay Minister, ang nasabing “house blessing” sa bagong tahanan ng mag-asawang sina Nanay Ralyn at Tatay Lennil Macalisang na may dalawang anak.
Kagalakan ang naging bakas sa mga mukha ng mag-asawa dahil bukod sa pabahay ay nakatanggap din ang mga ito ng bigas at grocery items.
Dumalo rin sa nasabing aktibidad ang mga miyembro ng BFP- Maria, Ms. Emily Holton- MAG Chairperson, Pastor Fabio Artajo- Faith Based Volunteer at Bonga Barangay Officials sa pangunguna ni Hon. Vergilio Patay, Barangay Captain.
Layunin ng naturang grupo na tulungang maiangat ang kabuhayan ng mga nangangailangan na mamamayang kanilang nasasakupan at upang matiyak na ito ay sapat upang makapag-umpisa ng maayos na pamumuhay.
