Nagsagawa ng Grand Medical and Dental Caravan ang pulisya kaisa ang Donate Philippines na ginanap sa Palapag Municipal Gymnasium, Palapag, Northern Samar nitong Setyembre 26-27, 2023.
Ang Grand Medical at Dental Caravan ay personal na pinangunahan ni Police Major General Edgar Allan Okubo, Director ng The Directorate for Police Community Relations bilang Guest of Honor and Speaker kasama si Ginang Myrna J Reyes, President ng Donate Philippines; Edwin Marino Onchuan, Gobernador ng Northern Samar; Florencio A Batula Jr., Municipal Mayor ng Palapag; at Police Brigadier General Vincent S Calanoga, Regional Director ng Police Regional Office 8 na kinatawan ni Police Colonel Dionesio Apas Jr, Chief, RCADD ng PRO 8.
Sa kabuuan ay nasa mahigit dalawang libong residente mula sa mga liblib na lugar at barangay ng Palapag ang napagkakalooban ng libreng konsultasyon, mga gamot, libreng bunot ng ngipin, libreng tuli, pamamahagi ng tsinelas, gupit at libreng check-up sa mata at eyeglasses.
Samantala, ipinagpapasalamat naman ito ng mga residente na mga kapos palad sa inilapit na serbisyo ng gobyerno para sa kanila.
Naging posible ang naturang programa sa pagtutulungang ipinakita at ibinigay ng ating mga kapulisan katuwang ang Donate Philippines, lokal na pamahalaan at sa buong suporta ng mga residente ng Palapag.
