Navotas City – Nasakote ng mga tauhan ng Navotas City Police Station ang dalawang suspek sa kanilang ikinasang buy-bust operation kung saan nasabat ang Php340,000 halaga ng shabu nito lamang Martes, Setyembre 26, 2023.
Kinilala ni PBGen Rizalito Gapas, District Director ng Northern Police District, ang mga suspek na sina alyas “Jungky”, 44, construction worker; at alyas “Kang”, 37, pawang mga residente ng Barangay NBBS Kaunlaran, Navotas City.
Nasabat sa operasyon ng mga operatiba ng Station Drug Enforcement Unit ang apat na pakete ng ilegal na droga na may timbang na 50 gramo at nagkakahalaga ng Php340,000; nakumpsika din ang mga perang ginamit sa operasyon na may kasamang isang kulay violet na pitaka.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang kapulisan ng Northern Metro ay patuloy na paiigtingin ang kampanya kontra ilegal na droga at pananagutin sa batas ang lahat ng lalabag dito.
Source: PIO NPD
Panulat ni PSSg Remelin M Gargantos
