Cebu – Pinilahan ng mga kabataan ang isinagawang feeding activity ng mga tauhan ng Regional Mobile Force Battalion 7 na ginanap sa Brgy. Consolacion, Dalaguete, Cebu nito lamang ika-24 ng Setyembre 2023.
Ang aktibidad ay pinangunahan ni Police Colonel Dyan Vicente Agustin, Force Commander, katuwang ang Kabataan Kontra Droga at Terorismo (KKDAT), BAC at Elite Guardians Dalaguete Chapter sa pangunguna ni Mr. Henry Ricky P Cordero.
Namahagi ng mainit na lugaw, preloved na damit at nagkaroon ng talakayan patungkol sa mga batas na nagpoprotekta at kumakalinga sa karapatan ng bawat mamamayan.
Samantala, lubos naman ang pasasalamat ng mga benepisyaryo sa tulong na binahagi ng ating kapulisan at iba pang ahensya ng pamahalaan.
Patuloy ang RMFB 7 sa pagbibigay ng serbisyo sa mamamayan lalong lalo na sa Geographically Isolated Disadvantage Areas upang mas mapagtibay ang ugnayan ng PNP at mamamayan.
