Cebu – Tiklo sa operasyon ng Criminal Investigation and Detection Group-Cebu Provincial Field Unit ang isang lalaking wanted sa kasong 2 Counts of Rape sa Toledo City, Cebu, noong Setyembre 21, 2023.
Kinilala ng Hepe ng CIDG Cebu PFU, Police Lieutenant Colonel Jeorge Francis Rodrin, ang naaresto na si “Ernesto”, 58 at tubong Toledo City, Cebu.
Sa pakikipag-ugnayan ng mga tauhan ng Tuburan Municipal Police Station, natunton ang akusado dakong alas-9 ng gabi noong Huwebes sa Barangay Buhisan, Cebu City kung saan ito inaresto sa bisa ng Warrant of Arrest.
Isang patunay na ang buong hanay ng kapulisan ng probinsya ay patuloy sa pagganap ng kanilang serbisyo. Sa pakikiisa at partisipasyon ng komunidad, matitiyak ang kaayusan, kaligtasan, at kapayapaan ng mamamayan.
