Iloilo City – Arestado ang isang drug suspek na High Value Individual (HVI) sa drug buy-bust ng Iloilo City Police Station 1-Station Drug Enforcement Team sa Muelle Loney St., Brgy. Legaspi, City Proper, Iloilo City nitong Setyembre 23, 2023.
Kinilala ni Police Captain Roque Gimeno III, Officer-In-Charge ng Police Station 1 ng Iloilo City Police Station, ang nahuling suspek na si alyas “Jao”, 38, residente ng 33 Mabini St., Railway, Lapaz, Iloilo City.
Ayon kay PCpt Gimeno III, nakuha sa subject person ang aabot sa 70 gramo ng pinaniniwalaang shabu na may halagang Php476,000.
Ayon pa kay PCpt Gimeno, ang drug suspek ay dati ng nakulong at nakasuhan sa paglabag ng RA 9165 noong 2019 sa Kalibo, at kakalabas lamang nitong Disyembre 2022.
Balik ngayon sa kulungan ang naarestong suspek at mahaharap ulit sa kasong paglabag sa Comprehensive Dangerous Drugs Act of 2002 o ang Republic Act 9165.
Hindi tumitigil ang Iloilo City PNP sa mas pinaigting na kampanya kontra ilegal na droga, at sinisigurong mananagot ang mga taong sangkot sa mga ganitong ilegal na gawain.
