Quezon – Nagsagawa ng PWD and Senior Citizen Outreach Activity ang Regional Community Affairs and Development Division (RCADD) 4A sa Covered Court, San Isidro Zone 1, Tayabas City, Quezon nito lamang Miyerkules, Setyembre 20, 2023.
Ang aktibidad ay pinangunahan ni Police Colonel Meliton Salvadora Jr, Chief, RCADD 4A katuwang ang Police Community Affairs Development Unit, Quezon Police Provincial Office at Tayabas City Police Station.
Tinatayang 40 Senior Citizens at 30 Persons with Disabilities (PWDs) ang hinandugan ng grocery items tulad ng bigas, noodles, de lata, condiments, bottled water, tuwalya, hanger, tsinelas, bitamina, at foodpacks mula sa Jollibee.
Bukod dito, tinalakay din para sa mga dumalo ang RA 8353 o “The Anti-Rape Law of 1997” at R.A. 9262 o Violence Against Women and their Children Act of 2004.
Layunin nitong magbigay ng suporta at serbisyo sa mga Senior Citizens at PWD at pinapatibay ang matatag na tiwala at relasyon ng pulisya at komunidad.
Source: Police Regional Office 4A
Panulat ni Police Staff Sergeant Donabel T Dulin
