Leyte – Nagsagawa ng Civil Disturbance Management Competition ang Police Regional Office 8 na ginanap sa PRO 8 Grandstand, Camp Sec. Ruperto K. Kangleon, Palo, Leyte noong Setyembre 19, 2023.
Ang kompetisyon ay pinangunahan ni Police Brigadier General Vincent Calanoga, Regional Dircetor kasama si Atty. Felicisimo A Embalsado, Acting Regional Director ng Commission on Elections 8 bilang Guest of Honor and Speaker.
Ipinakita ng mga kalahok mula sa Eastern Samar PPO, Samar PPO, Northern Samar PPO, Biliran PPO, Leyte PPO, Tacloban CPO at Ormoc CPO ang kanilang kakayahan at husay sa pagharap ng mga protesta at iba pang kaguluhan.
Ang nasabing kompetisyon ay bahagi ng paghahanda ng mga kapulisan para sa nalalapit na Barangay at Sangguniang Kabataan Elections 2023.
Tinanghal na overall champion ang Leyte Police Provincial Office (LPPO) sa pamumuno ni Police Colonel Erwin I Portillo, kasunod ang Tacloban City Police Office (TCPO) bilang first runner up at Ormoc City Police Office (OCPO) bilang second runner up.
Dagdag pa, ang TCPO ang nanguna naman sa Inspection Phase, Biliran PPO ang nanguna sa Demonstration Phase at ang LPPO ang nanguna sa Problem Solving Phase.
Dumalo din sa kompetisyon sina Police Colonel Salvador Alacyang, Deputy Regional Director for Operations; Police Colonel Dennis Jose Llavore, Chief of Regional Staff; Police Colonel Matthe L Aseo, Chief, RPRMD; Police Lieutenant Colonel Jennier R Sumpo, OIC, RLDDD; at ang Provincial City Directors at mga kinatawan ng lahat ng kalahok na PPO at CPO.
Kasama sa Civil Disturbance Management ang mga insidente gaya ng marahas na protesta, insidente ng hostage, o kaguluhan.
Ang kompetisyon ay isang pagsubok din sa kakayahan ng ating kapulisan na magpasya sa mahihirap na sitwasyon.
Sinisiguro ng pamunuan ng Police Regional Office 8 na patuloy silang magsasagawa ng iba’t ibang pagsasanay para sa kanilang kapulisan upang madagdagan at mapalawak pa ang karunungan tungo sa mas epektibong pagganap sa sinumpaang tungkulin.
