Parang, Maguindanao (January 11, 2022) – Matagumpay na naaresto ng pinagsanib na puwersa ng 1401st RMFC, RMFB14 at Parang Municipal Police Station sa pamumuno ni PMaj Dan Junson V Espinosa ang isang indibidwal dahil sa paglabag sa COMELEC Gun Ban sa pagsasagawa ng COMELEC Checkpoint sa Barangay Sarmiento, Parang, Maguindanao noong Enero 11, 2022.
Kinilala ni PMaj Espinosa, Chief of Police, Parang MPS, ang suspek na si Acraman Maulana Guiameron, 31 taong gulang, at residente ng Poblacion 2, Parang, Maguindanao.
Ayon sa report, nagsasagawa ng COMELEC Checkpoint ang mga tauhan ng Police Regional Office BAR sa nasabing lugar nang pinahinto ang isang kulay metallic brown na Suzuki minivan na minamaneho ng suspek, at nang lapitan, napansin ng mga operating personnel ang isang pistol sa sling bag ng suspek, nabigo ito na magpakita ng Certificate of Authority (CA) na inisyu ng Committee on Ban on the Firearms and Security Concerns (CBFSC) na dahilan para arestuhin ang nasabing suspek.
Ilan sa mga nakumpiskang kagamitan ay isang (1) yunit caliber .45 Kimber pistol at isang magazine na may laman na pitong bala.
Kasong Paglabag sa Omnibus Election Code at paglabag sa RA 10591 o Comprehensive Firearms and Ammunition Regulation Act ang isasampa laban sa naarestong suspek.
Pinuri ni PBGen Eden T Ugale, Regional Director, PRO BAR, ang walang humpay na pagsisikap ng mga operatiba na naging dahilan ng matagumpay na pagkakaaresto sa suspek.
###
Panulat ni Pat. Charlie Nasroden C. Corpuz III – RPCADU BAR
