Quezon City – Pinangunahan ni Police Colonel Rogelio Simon, Acting Director ng Police Security and Protection Group (PSPG), ang pagtatapos ng VIP Security & Protection Course na idinaos sa PNP Training Service ng Camp Crame, Quezon City eksaktong 2:00 ng hapon nito lamang Martes, Setyembre 13, 2023.
Ang pagtatapos ng 130 PNP personnel mula sa iba’t ibang units/offices ay naging posible sa pakikipag-ugnayan sa PNP Training Service sa ilalim ng liderato ni Police Colonel Radel Ramos, Acting Director.
Tampok sa naturang programa ang pinning ng VIP Security & Protection Badge, pagbibigay ng parangal at certificates sa Top 3 students mula Class 03-030-PSPG-2023-004 (125) at 005 (126).
Ang mga pinarangalan sa nasabing pagtatapos mula sa Class 03-030-PSPG-2023-004 (125) ay sina PLt Dan Amiel G Almiñe (Top 1), PMSg Marlouiel M Lacar (Top 2), at PSSg Joseph T Ibe (Top 3) samantala mula naman sa Class 03-030-PSPG-2023-005 (126) ay sina PMaj Aldrin T Caballero (Top 1), PMaj Fidelito U Viola Jr (Top 2), PLt Dan McGill L Sison (Top 3).
Sa naging mensahe ni PCol Simon, hinikayat nito ang mga nagtapos na maging isang mabuting ehemplo ng pulisya na may dignidad at respeto sa lahat ng mamamayan ng bansa. Maging kaisa sa lahat ng programa ng PNP tungo sa pagbibigay ng seguridad, hindi lang sa mga kilalang tao, pulitiko ngunit lahat ng mga karaniwang tao sa lipunan upang ating makamtan ang isang tahimik, maayos at maunlad na bansa.
Panulat ni PSSg Grace Neville Ortiz
