Davao del Norte – Arestado ang isang drug personality sa isinagawang buy-bust operation ng PNP sa Purok Jacosalem, Aurora 3rd St., Brgy. San Jose, Digos City, noong Setyembre 11, 2023.
Kinilala ni Police Lieutenant Colonel Florante Retes, Officer-In-Charge ng Digos City Police Station, ang suspek na si alyas “Bro”, 32, residente ng Brgy. Cogon, Digos City na kabilang sa Street Level Drug Personality.
Naaresto ang suspek ng mga pinagsamang tauhan ng Digos City Police Station at Regional Police Drug Enforment Unit katuwang ang Davao del Sur Police Mobile Force Company at PDEA XI.
Nakuha mula sa suspek ang ilang pakete ng hinihinalang shabu na may bigat na 3.7 gramo at may street market value na Php55,500, isang homemade caliber .38 na baril na may tatlong bala.
Nahaharap ang suspek sa mga kasong paglabag sa Republic Act 9165 o Comprehensive Dangerous Drugs Act of 2002, R.A 10591 o Comprehensive Firearms and Ammunition Regulation Act at Violation on Omnibus Election Code.
Nagpaalala naman ang Police Regional Office 11 na huwag nang gumawa at magbenta ng ilegal na droga sa Rehiyon Onse dahil lalong pinaigting ng mga awtoridad ang kampanya kontra ilegal na droga.
Panulat ni Patrolman Alfred Vergara
