Marawi City – Tinatayang Php6,970,000 halaga ng shabu ang nakumpiska sa isinagawang buy-bust operation ng mga awtoridad sa Hayfah Compound, Brgy. Gadongan, Marawi City, Lanao del Sur nitong ika-12 ng Setyembre 2023.
Kinilala ni Police Colonel Robert Daculan, Provincial Director ng Lanao del Sur Police Provincial Office, ang mga naaresto na sina alyas “Mosep”, lalaki, 45, residente ng Making, Parang, Maguindanao del Norte at alyas “Norain”, babae, 45, at residente ng Pindolunan, Butig, Lanao del Sur.
Nakumpiska mula sa mga suspek ang 1,025 gramo ng hinihinalang shabu na nagkakahalaga ng Php6,970,000; buy-bust money; isang Toyota Fortuner, at isang Toyota Hilux.
Naging matagumpay ang aktibidad dahil sa pinagsamang mga operatiba ng Philippine Drug Enforcement Agency Lanao del Sur, Marawi City Police Station, City Drug Enforcement Unit, Lanao del Sur 1st Provincial Mobile Force Company; Provincial Drug Enforcement Unit/Provincial Special Operations Group; Provincial Intelligence Unit, Philippine Army, at Task Force Marawi.
Ang PNP ay patuloy na mas paiigtingin ang kampanya kontra ilegal na droga upang mapanatili ang kaayusan at katahimikan sa ating komunidad.
Panulat ni Patrolman Charlie Nasroden Corpuz
