Oriental Mindoro – Pinangunahan ni PRO MIMAROPA Regional Director Police Brigadier General Joel Doria ang ceremonial demilitarization ng 19 units ng mga baril na narekober mula sa mga dating rebelde (FRs) at Militia ng Bayan (MB) na ginanap sa Regional Headquarters, PRO MIMAROPA, Camp BGen Efigenio C Navarro nito lamang Lunes, Setyembre 11, 2023.
Sa ilalim ng Enhanced Comprehensive Local Integration Program o E-CLIP, ang 19 na unit ng sari-saring baril ay boluntaryong isinuko at nabawi mula sa mga dating rebelde at militia ng bayan na nagpahayag ng kanilang pagnanais na talikuran ang armadong karahasan at maging produktibong miyembro ng lipunan.
Tiniyak ng Police Regional Office MIMAROPA FEADC Committee, sa pamumuno ni PCol Martin Defensor Jr, DRDA at Chairperson ng PRO FEADC, at ng FEAD Secretariat, na ang demilitarization at disposal ng FEAS ay sumunod sa guidelines at procedures na itinakda ng PNP Command Memorandum Circular No. 24-2013, na may pamagat na “Mga Alituntunin at Pamamaraan para sa Demilitarisasyon ng mga Baril, Pampasabog, at Bala”.
Dumalo rin para saksihan ang kaganapan sina Brigadier General Randolph Cabangbang, Commander ng 203rd Infantry Brigade, Philippine Army; Hon. Rommel Rodolfo A Ignacio, Calapan City Vice Mayor, na kinatawan ni G. Brian Delizo, Executive Assistant; Dir. Karl Caesar R. Rimando, CESO III, Regional Director, DILG MIMAROPA, na kinakatawan ni Ms. Maria Victoria J. Del Rosario, Provincial Director, DILG Oriental Mindoro; G. Dennis Nebrejo, Public Information Assistant, PIA Oriental Mindoro; at Ms. Marie Cris De Jaro, Public Information Office, Calapan City.
Sa naging pahayag ni PBGen Doria, binigyang-diin niya ang halaga ng delimitarization upang ganap na maalis ang anumang pagkakataon na mahulog ang nasabing mga baril sa kamay ng mga lawless elements.
Source: Police Regional Office Mimaropa
Panulat ni Patrolman Erwin Calaus
