Zamboanga del Sur – Tinatayang Php272,200 halaga ng shabu ang nasamsam sa tinaguriang Street Level Individual (SLI) sa ikinasang buy-bust operation ng mga awtoridad sa Purok 1, Brgy. Bag-ong Oroquita, Zamboanga del Sur bandang 5:15 ng hapon nito lamang Setyembre 10, 2023.
Kinilala ni Police Captain Dominic Dalena, Team Leader, Regional Drugs Enforcement Unit 9, Zamboanga del Sur Police Provincial Office, ang naarestong suspek na si alyas “John-John”, 19, walang trabaho, residente ng Sitio Quarry, Brgy. Kagawasan, Dimataling, Zamboanga del Sur.
Naging matagumpay ang operasyon dahil sa pagsisikap ng Regional Drug Enforcement Unit 9, Guipos Municipal Police Station, Regional Intelligence Division 9, 902nd Maneuver Company ng Regional Mobile Force Battalion at Zamboanga del Sur Provincial Intelligence Unit.
Narekober mula sa suspek ang walong pirasong transparent heat-sealed plastic sachets ng hinihinalang shabu na tumitimbang ng 40 gramo na may tinatayang halaga ng Php272,000, isang pirasong strip paper, isang black sunglasses pouch, isang unit blue with black casing Oppo touchscreen cellphone, isang unit black HONDA XRM na walang plaka, bogos money at buy-bust money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas payapa at ligtas na komunidad.
Panulat ni Patrolman John Ronald Tumonong
