Tarlac – Tuloy-tuloy ang paghahatid ng tulong ng mga tauhan ng Regional Mobile Force Battalion 3 sa pamamagitan ng Community Outreach Program para sa mga katutubong Aeta na residente ng Barangay Sta Rosa, Bamban, Tarlac nito lamang Linggo, ika-10 ng Setyembre 2023.
Ang naturang aktibidad na pinamunuan ni Police Lieutenant Colonel Jay Dimaandal, Force Commander ng Regional Mobile Force Battalion 3 kasama si Dra. Ayesha Wasim ng Kaagapay sa Progreso at Pagsulong (Non-government Organization).
Umabot sa 187 na kababayan nating Aeta ang naging benepisyaryo sa libreng check-up, nabigyan ng damit, vitamins, gamot at feeding program naman para sa mga bata.
Layunin nito ang mapagtibay ang magandang ugnayan ng PNP at pamayanan.
Sinisiguro ng RMFB3 na patuloy na maghahatid ng tulong para sa ating mga katutubo na nakatira sa Gitnang Luzon.
Source: Regional Mobile Force Battalion 3
Panulat ni PCpl Jeselle V Rivera
