Biliran – Arestado ang isang lalaki na tinaguriang Rank 9 High Value Individual sa Regional Level matapos maaresto sa ikinasang buy-bust operation ng mga awtoridad sa Brgy. Villa Enage, Biliran, Biliran nitong Biyernes, Setyembre 8, 2023.
Kinilala ni Police Captain Edwin Simbajon, Officer-In-Charge ng Biliran PDEU, ang suspek na si alyas “Kabang”, 29, at residente ng naturang lugar.
Bandang 9:45 ng umaga nang maaresto ang suspek ng mga tauhan ng Biliran Provincial Drug Enforcement Unit (lead unit) kasama ang Biliran Municipal Police Station sa pamumuno ni Police Captain Hilario Rambano III, Acting Chief of Police, Provincial Intelligence Unit-BPPO, Biliran Provincial Mobile Force Company Intel Operative at sa koordinasyon sa PDEA 8.
Nadakip ang suspek sa aktong pagbebenta ng ilegal na droga sa nagpanggap na poseur buyer na nagkakahalaga ng Php1,000 at mahaharap ito sa kasong paglabag sa Sec. 5, Art. II of RA 9165 o Comprehensive Dangerous Drugs Act of 2002.
Ang operasyon ay bunga ng walang humpay na pagbibigay katuparan ng kapulisan upang tuldukan ang problema sa ilegal na droga at hadlangan ang mga panganib na dulot nito sa komunidad.
