Bukidnon – Nahuli ng mga tauhan ng Valencia City Police Station ang dalawang suspek sa pangingidnap sa tatlong indibidwal sa Davao City sa Gas Station, Brgy. Batangan, Valencia, City, Bukidnon nito lamang Biyernes, Setyembre 8, 2023.
Kinilala ni Police Brigadier General Lawrence Coop, Regional Director ng Police Regional Office 10, ang dalawang naarestong suspek na sina alyas “Renie”, 30, residente ng Bayugan, Agusan del Sur, at alyas “Nelson”, 55, at residente ng Agusan del Sur.
Bandang 7:30 ng umaga nang mahuli ang dalawang suspek sakay ng isang Toyota Hi-ace van na may Plate No. PN ZCX 2977.
Ligtas naman ang tatlong biktima na kinilala na sina alyas “Rod”, 61, residente ng Davao City; alyas “Samuel”, 33, residente ng Davao del Sur; at alyas “Jovanne”, 28, residente ng Brgy. Ulas, Davao City.
“This apprehension stands as a testament to PRO10’s dedication in upholding the law and protecting citizens from harm. Congratulations to the Valencia PNP and job well done.” pahayag ni PBGen Coop.
Panulat ni Patrolman Edwin Baris
