Kalinga – Arestado ang dalawang lalaki matapos mahulihan ng dried marijuana bricks ng mga awtoridad sa Sitio Dinakan, Brgy. Dangoy, Lubuagan, Kalinga nito lamang Septembre 7, 2023.
Kinilala ni Police Colonel Freddie Lazona, Officer-In-Charge, Kalinga Police Provincial Office, ang dalawang suspek na sina alyas “Mayo”, 44 na residente ng Poblacion, Tinglayan, Kalinga at alyas “Christ”, 46 na residente ng Ambatu, Tinglayan, Kalinga.
Naaresto ang dalawang suspek habang nagsasagawa ng COMELEC Checkpoint nang pinapahinto ang sasakyan ay sinubukang umiwas at tumambad sa mga awtoridad ang 11 bricks dried marijuana leaves na may timbang na 11 kilo at may Standard Drug Price na Php1,320,000.
Patuloy naman ang operasyon ng Kalinga PNP sa pagsugpo ng mga ipinagbabawal na droga para sa kaayusan at kapayapaan ng buong probinsya.
