Catanduanes – Arestado ang isang mangingisda sa isinagawang buy-bust operation ng Virac PNP sa Burgos Street, Brgy. Palnab Del Norte, Virac, Catanduanes nito lamang Setyembre 6, 2023.
Kinilala ni Police Major Robert Kevin Caparoso, Chief of Police ng Virac PNP, ang suspek na si alyas “Bongbong”, 41, mangingisda, at residente ng Alcantara Street, Brgy. Palnab Del Norte, Virac, Catanduanes.
Ayon kay Police Major Caparoso, ikinasa ang operasyon bandang 3:24 ng hapon ng mga operatiba ng Virac Municipal Police Station at Catanduanes Provincial Intelligence Unit.
Nasamsam mula sa suspek ang isang .22 Caliber Revolver, anim na pirasong bala, semi leather grey coin purse, isang pirasong genuine Php1,000, tatlong piraso na pekeng isang libo, pulang Yamaha Crypton Motorcycle at limang pirasong heat-sealed transparent plastic sachet na naglalaman ng hinihinalang shabu.
Mahaharap ang suspek sa kasong paglabag sa RA 10591 o Comprehensive Firearms and Ammunition Regulation Act at RA 9165 o ang Comprehensive Dangerous Drugs Act of 2002.
Source: Virac Mps Catppo
