Parañaque City – Aktibong nilahukan ng mga kapulisan ng Southern Police District ang isinagawang Blood Donation Program sa Golden Ballroom 1 at 2, New Seaside Drive, Entertainment City, Paranaque City nito lamang Martes, Setyembre 5, 2023.
Ang nasabing aktibidad ay may temang “Dugong Alay, Dugtong Buhay”.
Nakiisa rin sa nasabing aktibidad ang District Community Affairs and Development Division (DCADD) sa ilalim ng pangangasiwa ni PCol Jenny Tecson, Chief, DCADD, sa pamumuno ni PBGen Roderick Mariano, District Director ng SPD, katuwang ang Philippine Blood Center (PBC) at Okada Manila.
Ang kaganapan ay alinsunod sa pagdiriwang ng Okada Manila Anniversary na dinaluhan ni dating Chief, PNP PGen Debold M Sinas (Ret), na kasalukuyang nagsisilbing Chief Security Officer sa OKADA Manila, kasama sina PBGen Thomas Frias Jr (Ret), Security and Safety Officer sa OKADA Manila, Dr. Von Herrera, Team Leader, Philippine Blood Center, FSupt Loon Eduardo, Chief, City Fire Marshal BFP, FCI Beverly Grinaldo, Deputy City Fire Marshall BFP, at Capt Bredes Cesar, Philippine Coast Guard, Auxiliary.
Iba’t ibang organisasyon din ang nakilahok sa nasabing aktibidad kabilang ang PNP, partikular mula sa pitong Police Stations ng SPD gayundin ang mga miyembro mula sa BFP, Coast Guard, at OKADA personnel.
Nakahanda naman ang Philippine Blood Center na tumulong sa mga men in uniform at mga sibilyan. Samantala, may kabuuang 15,750cc ng dugo ang nakolekta sa mga tauhan ng SPD sa aktibidad.
Ang aktibidad na ito ay naaayon sa 5-Focused Agenda ng PGen Benjamin C Acorda Jr, Chief, PNP, partikular sa community engagement at moral at welfare. Ito din ay naglalayon na pagtibayin ang ugnayan ng kapulisan sa mga LGU at stakeholders na handang tumulong at makiisa sa bawat programa ng ating gobyerno upang tulungan ang ating mga kababayan na nangangailangan ng tulong.
Source: DCADD SPD
Panulat ni PSSg Remelin M Gargantos
