Valenzuela City — Nagsagawa ang mga tauhan ng Valenzuela City Police Station ng “Fundamental Skills on Arnis/Disarming Techniques and Defensive Tactics Training” sa Aero Circle ng Valenzuela People’s Park, McArthur Highway, Barangay Karuhatan, Valenzuela City nito lamang Martes, Setyembre 5, 2023.
Ayon kay Police Colonel Salvador Destura Jr, Chief of Police ng Valenzuela CPS, ang mga lokal na kalahok ng pulisya ay sasanayin sa sining ng combat sport, partikular ang mga pangunahing kasanayan sa Arnis, techniques upang madisarmahan ang kalaban at self-defense.
Ang pagsasanay na ito ay pinangunahan nina PSSg Edwin Grafil at PSSg Ana Grace Mendoza bilang mga lecturer at trainer. Ito ay magpapahusay sa kanilang kakayahan sa paglaban sa krimen, ngunit ito ay magbibigay din ng mga benepisyo sa kalusugan. Ang mga diskarte at pangunahing kasanayan ay makatutulong sa kanila na gampanan ang kanilang mga tungkulin na mayroon man o walang mga baril.
Ang training program ay bahagi ng pinalakas na physical fitness at sports development program sa hanay ng Valenzuela CPS police force na nangangailangan sa lahat ng mga uniformed personnel ng istasyon upang sumailalim sa apat na oras na ensayo kada linggo hanggang Disyembre 31 ngayong taon.
Source: Valenzuela City Police Station
