Pangasinan – Timbog ng Asingan PNP ang Top 2 Municipal Most Wanted Person sa kasong paglabag sa RA 7610 ng Asingan, Pangasinan, nito lamang ika-4 ng Setyembre 2023.
Kinilala ni Police Major Katelyne May Awingan, Hepe ng Asingan PNP, ang suspek na si Rogie Agbuya Abarca, 27, at residente ng Purok 6, Brgy. Del Rosario, Mercedes, Camarines Norte.
Ayon kay Police Major Awingan, naaresto ang suspek bandang 12:35 ng tanghali sa Purok 3, Brgy. Camambungan, Daet, Camarines Norte, sa bisa ng Warrant of Arrest.
Ayon pa kay Police Major Awingan, nahaharap ang suspek sa kasong paglabag ng tatlong beses sa RA 7610 o Special Protection of Children Against Abuse, Exploitation and Discrimination Act na may Php200,000 piyansa kada kaso.
Ang operasyon ng Asingan PNP ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Source: Asingan Municipal Police Station
Panulat ni Patrolman Viljon Comilang
